Правило 1

Аще кто порицает брак, и женою верною и благо­честивою, с мужем своим совокупляющеюся, гнуша­ется, или порицает оную, яко не могущую внити в Царствие: да будет под клятвою.

Правило 2

Аще кто, с благоговением и верою ядущаго мясо (кроме крови, идоложертвеннаго и удавленины), осу­ждает, аки бы, по причине употребления онаго, не имеющаго упования: да будет под клятвою.

Правило 3

Аще кто учит раба, под предлогом благочестия, презирати господина, уклонятися от служения, и не с усердием и всякою честию служити господину сво­ему: да будет под клятвою.

Правило 4

Аще кто о пресвитере, вступившем в брак, разсуж-дает, яко не достоин причащатися приношения, когда таковый совершил литургию: да будет под клятвою.

Правило 5

Аще кто учит невозбранно пренебрегати дом Бо­жий, и бываюшия в нем собрания, да будет под клят­вою.

Правило 6

Аще кто кроме церкви особо собрания составляет, и, презирая церковь, церковная творити хощет, не имея с собою пресвитера по воле епископа: да будет под клятвою.

Правило 7

Аще кто церковныя плодоприношения приимати, или раздавати вне церкви хощет, без воли епископа, или того, кому поручены таковыя, и не по воле его творити хощет: да будет под клятвою.

Правило 8

Аще кто дает, или приемлет плодоприношения ми­мо епископа, или поставленнаго управляти благотворениями: и дающий, и приемлющий, да будет под клятвою.

Правило 9

Аще кто девствует, или воздерживается, удаляясь от брака, яко гнушающийся им, а не ради самыя доб­роты и святыни девства: да будет под клятвою.

Правило 10

Аще кто из девствующих ради Господа, будет превозноситися над бракосочетавшимися: да будет под клятвою.

Правило 11

Аще кто презирает творящих вечери любви по вере, и созывающих братию в честь Господа, и не хощет имети общения в приглашениях, низким почитая тво­римое: да будет под клятвою.

Правило 12

Аще кто из мужей, ради мнимаго подвижничества, употребляет суровую верхнюю одежду, и, аки бы от сего получая праведность, осуждает тех, которые со благоговением носят шелковыя одеяния, и употреб­ляют общую и обыкновением принятую одежду: да будет под клятвою.

Правило 13

Аще некая жена, ради мнимаго подвижничества, пременит одеяние, и, вместо обыкновенныя женския одежды, облечется в мужскую: да будет под клятвою.

Правило 14

Аще которая жена оставит мужа, и отыти восхощет, гнущаяся браком: да будет под клятвою.

Правило 15

Аще кто детей своих оставляет и не питает, и не приводит, по возможности, к подобающему благочес­тию, но, под предлогом отшельничества, нерадит о них: да будет под клятвою.

Правило 16

Аще которые дети, под предлогом благочестия, ос­тавят своих родителей, наипаче верных, и не воздают подобающия чести родителям, да будут под клятвою. Впрочем правоверие да будет ими соблюдаемо пред­почтительно.

Правило 17

Аще которая жена, ради мнимаго подвижничества, острижет власы, которыя дал ей Бог в напоминание подчиненности: таковая, яко нарушающая заповедь подчиненности, да будет под клятвою.

Правило 18

Аще кто, ради мнимаго подвижничества, постится в день воскресный: да будет под клятвою.

Правило 19

Аще кто из подвижников, без телесныя нужды, воз­носится и разрешает посты, преданные к общему со­блюдению и хранимые Церковью, пребывая при том в полном разуме: да будет под клятвою.

Правило 20

Аще кто, пришедши в надменное расположение, гнушаясь осуждает собрания в честь мучеников, и совершаемыя в оных служения и памяти их: да будет под клятвою.

Правило 21

Сия же пишем, поставляя преграды не тем, которые в Церкви Божией, по писанию, подвижничествовати желают, но тем, которые подвижничество приемлют в повод гордости, возносятся над живущими просто, и вопреки Писаниям и церковным правилам вводят новости. Таким образом мы и девство, со смирением со­единенное, чтим, и воздержание, с честностию и бла­гочестием соблюдаемое, приемлем, и смиренное от­шельничество от мирских дел одобряем, и брачное че­стное сожительство почитаем, и богатства с правдою и благотворением не уничижаем: и простоту и малоценность одежд, употребляемых токмо ради попечения о теле неизысканнаго, похваляем: а изнеженнаго в мяг­кой одежде хождения отвращаемся. И домы Божий почитаем, и собрания бывающыя в них, яко святыя и полезныя приемлем, не заключая благочестия в домах, но почитая всякое место, созданное во имя Божие, и хождение в церковь Божию на пользу общую прием­лем: и избыточествующыя благотворения братии, по преданиям, посредством Церкви нищим бывающыя, ублажаем: и, да речем вкратце, желаем, да бывают в Церкви вся принятая от божественных Писаний и апо­стольских преданий.

Правила святаго поместнаго Собора Неокесарийскаго

Правила святаго поместнаго Собора Гангрскаго

Правила святаго поместнаго Собора Антиохийскаго