Правило 1

Пресвитер, аще оженится, да извержен будет от своего чина. Аще же блуд или прелюбодейство сотво­рит: да будет совсем изгнан от общения церковнаго, и низведен в разряд кающихся.

Правило 2

Жена, совокупившаяся браком с двумя братиями, да будет отлучена от общения церковнаго до смерти. Но при смерти, аще обещается разрушити брак по выздо­ровлении, да будет по человеколюбию допущена к по­каянию. Аще же умрет жена или муж, в таковом бра­ке: оставшемуся трудно покаяние.

Правило 3

Время покаяния, определенное для впадающих во многобрачие, известно: впрочем обращение и вера их, сокращают время.

Правило 4

Аще кто, вожделев жены, решится преспати с нею, но его намерение не приведется в действие: видимо есть, яко благодатию избавлен.

Правило 5

Оглашенный, входящий в церковь, и стоящий в чи­не оглашенных, обличен быв во грехе, аще сопричис­лен был к преклоняющим колена, да низведется в раз­ряд слушающих Писания, престав от греха. Аще же и пребывая между слушающими согрешит: да изгонится из церкви.

Правило 6

Имеющую во чреве, подобает просветити крещени­ем, когда восхощет. Ибо нет в сем никакого общения у рождающия с раждаемым: понеже во исповедании собственное каждаго произволение показуется.

Правило 7

Пресвитеру на браке двоеженца не пиршествовати. Понеже двоеженец имеет нужду в покаянии Какой же был бы пресвитер, который чрез участвование в пир­шестве одобрял бы таковые браки.

Правило 8

Аще жена некоего мирянина, прелюбодействовав, обличена будет в том явно^- то он не может прийти в служение церковное. Аще же по рукоположении мужа впадет в прелюбодейство: то он должен развестися с нею. Аще же сожительствует: не может касатися слу­жения, ему порученнаго.

Правило 9

Пресвитер, аще согрешив телом, произведен, и ис­поведует, что согрешил прежде рукоположения, да не священнодействует, сохраняя прочия преимущества, ради других добродетелей. Ибо прочие грехи, как многие сказуют, разрешает и рукоположение. Аще же сам не исповедует, а обличен быти явно не может властен сам в себе.

Правило 10

Подобно и диакон, аще впадет в тот же грех, да низведен будет в чин простаго служителя Церкви.

Правило 11

Во пресвитера прежде тридесяти лет, аще и по все­му достойный человек, да не поставляется: но да оставится в ожидании. Ибо Господь Иисус Христос в три­десятое лето крестился и начал учити.

Правило 12

Аще кто в болезни просвещен крещением, то не может произведен быти во пресвитера: ибо вера его не от произволения, но от нужды: разве токмо ради после открывшияся добродетели и веры, и ради скудости в людях достойных.

Правило 13

Сельские пресвитеры в градской церкви не могут священнодействовати в присутствии епископа, или пресвитеров града, такожде не преподавати хлеб, ни чашу во время молитвы. Аще же сии в отсутствии, а сельский един приглашен для молитвы: то преподает.

Правило 14

Но хорепископы, поставленные во образ седмидесяти апостолов, яко сослужители епископа, священнодействуют и в градской церкви, приемля честь ради попечения о нищих.

Правило 15

По первоначальному правилу, диаконам седми быть должно, аще и весьма велик град. В сем удостоверен будеши из книги Деяний Апостольских.

ПРАВИЛА ПОМЕСТНЫХ СОБОРОВ. Правила святаго поместнаго Собора Анкирскаго (314 г.)

Правила святаго поместнаго Собора Неокесарийскаго

Правила святаго поместнаго Собора Гангрскаго