Господи Боже, Спасителю наш! К Тебе припадаем сокрушенным сердцем и исповедуем грехи и беззакония наша, имиже раздражихом Твое благоутробие и затворихом щедроты Твоя. Отступихом бо от Тебе, Владыко, и заповедей Твоих не соблюдохом, ниже сотворихом, якоже заповедал еси нам. Сего ради разгневался еси яростию Твоею на нас, и посетил еси жезлом железным веззакония наша и ранами неправды нашя. Простерл еси руку Твою, и восплакася земля, и болезни смертныя объяша нас. Гладом же и скудостию и нестроением поразил еси нас, и дал еси нас на попрание врагом нашым, и умалихомся паче всех язык, ибыхом в притчу и поношение соседом нашим, Боже великий и дивный, каяйся о злобах человеческих, возводяй, низверженныя и утверждаяй низпадающыя! Небесную Твою силу с невесе низпосли, уврачуй язвы душ наших и воздвигни нас от одра болезни, яко наполнишася разславления чресла наша, яко болим неправдою и рождаем Беззаконие. Утоли шатания и рдздоры в земли нашей, отжени от нас зависти и рвения, Убийства и пиянства, рлзжжения и соблазны, попали в сердцах наших всяку нечистоту, вражду и злобу, да паки еси возлюбим друг друга и едино пребудем в Тебе, Господе и Владыце нашем, якоже повелел еси и заповедал еси нам. Помилуй нac, Господи, помилуй нас, яко исполнихомся уничижения и несмы достойни возвести очеса наша на небо. Помяни милости, яже показал еси отцем нашым, преложи гнев Твой на милосердие и даждь нам помощь от скорби. Молит Тя Твоя Церковь, представляющи Тебе ходатайство другое Твоих: преподовнаго отца нашего Сергия Радонежского, Петра, Алексия, Ионы и Филиппа, святителей московских, священномученника Ермогена, и всех святых, в земли нашей просиявших, изряднее же Пресвятыя Богородицы и Приснодевы Марии, от лет древних покрывавшия и заступавшия страну нашу. Вразуми и укрепи всех, иже во власти суть, и возглаголи в них благая о Церкви Твоей и о всех людех Твоих. Силою Креста Твоего укрепи христолюбивое воинство наше и избави их от всякаго навета вражия. Воздвигни нам мужей силы и разума, и даждь всем нам духа премудрости и страха Божия, духа крепости и благочестия.

Призри и на Собор наш церковный, от всех концев Российския земли собравшийся, умудри и просвети его благодатию Пресвятаго Твоего Духа, и даждь ему слово во отверзение уст его, во утверждение Святыя Православныя веры нашея, в примирение и соединение отпадших и заблуждших, в обновление мира и любве в сердцах наших Господи, к Тебе прибегаем, научи нас творити волю Твою, яко Ты еси Бог наш, яко у Тебе источник живота, во свете Твоем узрим свет. Пробави милость Твою ведущим Тя во веки веков. Аминь.